112262024_ship_flip14_770x420.jpg

لە دەریای سوور كەشتییەكی دیكە بەئامـانج گیرا

Jun 22, 2024  |   جیهان 

كەشتییەكی بازرگانیی دیكە لەلایەن حووسییەكانەوە لە دەریای سوور بەئامانج گیرا و كەشتیی فرۆكەهەڵگری ئەمریكییش ناوچەكەی بەجێدەهێڵێت.

دەستەی كاروباری بازرگانیی دەریایی بەڕیتانی درەنگانێكی شەوی ڕابردوو ڕایگەیاند: كەشتییەكی بازرگانی ئاگاداری كردوونەتەوە لەوەی تەقینەوە لەنزیك كەشتییەكە ڕووی داوە لە دووریی 126 میلی دەریایی لە رۆژهەڵاتی عەدەن لە كەناراوەكانی یەمەن.

دەستەكە ناسنامەی كەشتییەكەی ئاشكرا نەكردووە بەڵام باسی لەوە كردووە تەقینەوەكە لە نزیك كەشتییەكە ڕووی داوە.

هاوكات تۆڕی فۆكس نیوزی ئەمریكی لە زاری چەند سەرچاوەیەكەوە بڵاوی كردەوە، كەشتیی فرۆكەهەڵگری ئایزنهاوەر دەریای سوور بەجێدەهێڵێت و لەجێی ئەو كەشتیی فڕۆكەهەڵگری ڕۆزفێڵت جێگیر دەكرێت.

گروپی ئەنساڕوڵڵای حووسییەكان لە یەمەن لە دوای جەنگی سەر غەززەوە هێرشیان بۆ سەر هاتووچۆی بازرگانی لە دەریای سوور و كەنداوی عەدەن دەست پێ كردووە و داوا دەكەن كۆمەڵكوژییەكانی سەر خەڵكی غەززە كۆتایی پێ بهێنرێت.