لەبەرەبەیانی ئەمڕۆوە 75 كەس لە غەززە شەهید بوون، ڕێكخراوی تەندروستیی جیهانی-یش ڕایدەگەیەنێت، ئاگربەستی تاكتیكی لە غەززە بێ بەهایە.

ڕیچارد بیبركۆرن، نوێنەری ڕێكخراوی تەندروستیی جیهانی لە غەززە و كەناری خۆراوای داگیركراو ڕایگەیاند: ئاگربەستی تاكتیكییی ڕۆژانە كە سوپای ئیسڕائیل لەباشووری غەززە ڕایگەیاندووە هیچ كاریگەرییەكی نییە بۆ گەیشتنی هاوكارییە مرۆییەكان و بەهایەكی ئەوتۆی نییە.

هۆشدارییشی دا لەوەی بەرزبوونەوەی پلەی گەرما قەیرانی تەندروستی لە غەززە خراپتر دەكات.

ئەمە لەكاتێكدایە سەرچاوە پزیشكییەكان بە كەناڵی ئەلجەزیرەیان ڕاگەیاندووە بەهۆی بۆردومانەكانی سوپای زایۆنییەوە، لە بەرەبەیانی ئەمڕۆوە 75 كەس شەهید بوون كە زۆرینەیان ژن و منداڵن.