101122024_ttttttttttttttt_770x420.jpg

كونسوڵخانەی ئەمریكا: ڕاگەیاندن ڕۆڵێكی گرنگ و بنەڕەتی هەیە لە هۆشیاركردنەوەی كۆمەڵگا

Feb 11, 2024  |   كوردستان 

كونسوڵخانەی ئەمریكا لەهەولێر رایدەگەیەنێت، ڕاگەیاندن ڕۆڵێكی گرنگ و بنەڕەتی هەیە لە هۆشیاركردنەوەی كۆمەڵگا. هاوكات پشتیوانی خۆیان بۆ رۆژنامەنووسانی هەرێمی كوردستان نیشاندا لە هەوڵە بەردەوەمەكانیان بۆ ڕوماڵكردنی هەواڵەكان.

مارك سترۆ كونسوڵی گشتیی كونسوڵخانەی ئەمریكا لەگەڵ ژمارەیەك #ڕۆژنامەوان و سەرنوسەری ناوەندە میدیاییە جیاوازەكانی هەرێمی كوردستان كۆبووەوە بۆ ئاشنابوون بە كارەكانیان و پانتایی كاری #ڕاگەیاندن و ئەو ئاڵنگاریانەی ڕوبەڕوی ڕاگەیاندنەكان دەبنەوە.

وەك لەراگەیەندراوەكەی كونسوڵخانەی ئەمریكا لەهەولێر هاتووە:" لە هەرشوێنێكی ئەم دونیایەدا بێت، ڕاگەیاندن ڕۆڵێكی گرنگ و بنەڕەتی هەیە لە هۆشیاركردنەوەی كۆمەڵگا و ئاڕاستەكردنی بۆچوونی كۆمەڵگا و ڕوبەڕوكردنەوەی حكومەت بەرامبەر بەرپرسیارێتیەكانی و پێوێستە لە هەموو جێیەك پارێزگاری لێبكرێت."

 "ئەو كۆمەڵگا پتەوەی ڕاگەیاندن كە لە #هەرێمی_كوردستان چالاكن مایەی خۆشحاڵیمانە و پشتیوانیی لە هەوڵە بەردەوەمەكانیان دەكەین بۆ ڕوماڵكردنی هەواڵەكان و دەستڕاگەیشتن بە زانیاریی دوور لە كاریگەریی نابەجێ و هەراسانكردن و چاوترساندن یاخود بەربەستی تر."