Jan 20, 2024 | عیراق
هێرشێكی مووشەكی كرایەسەر بنكەی سەربازیی عەین ئەسەد لەپارێزگای ئەنبار، كە هێزێكی هاوبەشی سوپای عیراق و هاوپەیمانی نێودەوڵەتی دژ بە داعش-ی لێیە.
میدیاكانی عیراق لە سەرچاوەیەكی ئەمنییەوە بڵاویانكردەوە، ئێوارەی ئەمڕۆ شەممە بە 20 مووشەك هێرشكراوەتە سەر بنكەی سەربازیی عەین ئەسەد لەسنووری پارێزگای ئەنبار.
تائێستا بەفەرمی هیچ لایەنێك بەرپرسیارییەتی خۆی لە هێرشەكە رانەگەیاندووەو هیچ زانیارییەكیش لەبارەی زیانەكانی ئەو هێرشە بڵاونەكراوەتەوە.
لە سەرەتای ئەمساڵەوە تائێستا ئەمە سێیەم جاره هێرش دەكرێتە سەر بنكەی سەربازیی عەین ئەسەد، دوو هێرشەكەی پێشوو لەڕێگەی فڕۆكەی بێ فڕۆكەوانەوە ئەنجامدران، كە لەلایەن سیستمی بەرگریی ئاسمانیی بنكە سەربازییەكەوە خرانە خوارەوە، بێ ئەوەی هیچ زیانێكی گیانییان لێبكەوێتەوە.
