حكومەتی عێراق سەركۆنەی هێرشەكەی ئەمەریكای كرد بۆسەر بارەگاكانی حەشدی شەعبی لەناوچەی جورف سەخەری باشووری بەغدا. 

باسم عەوادی وتەبێژی حكومەتی عێراق رایگەیاند:"بەتوندی سەركۆنەی ‌هێرشەكانی سەر ناوچەی جورف سەخەری باشووری بەغدای پایتەخت دەكەن، چونكە بەبێ ئاگاداری عێراق ئەنجامدراون، ئەو جۆرە كارانە بەپێی دەستووری عێراق دەستدرێژی و پێشێلكردنی سەروەریی خاكی وڵاتن". 

بە وتەی باسم عەوادی:"هێرشەكەی سەر جورف سەخەر لادانە لەئەركەكانی هاوپەیمانی نێودەوڵەتی لەعێراق كە بریتییە لە بەگژداچوونەوەی داعش و لەناوبردنی تیرۆر". 

سەرلەبەیانی ئەمڕۆ ئەمریكا هێرشی كردە سەر بارەگاكانی حەشدی شەعبی لە ناوچەی جەرف سەخەری سەر بە پارێزگای بابل و بەو هۆیەوە ژمارەیەك چەكداری حەشدی شەعبی كوژران و ژمارەیەكی تر برینداربوون.