Oct 18, 2023 | كوردستان
حكومەتی هەرێمی كوردستان لەبارەی هێرشە مووشەكییەكەی سەر نەخۆشخانەیەك لە كەرتی غەززەی فەڵەستین كە گیانلەدەستدانی زیاتر لە 500 كەسی لێكەوتەوە، راگەیەندراوێكی بڵاوكردەوە.
پێشەوا هەورامانی، وتەبێژی حكومەتی هەرێمی كوردستان ئاماژەی بەوەكردووە:"حكومەتی هەرێمی كوردستان هێرشی ئەمڕۆی سەر نەخۆشخانەی مەعمەدانی لە غەززە، ئیدانە دەكات كە بەهۆیەوە زیاتر لە 500 كەس بونەتە قوربانی و قوربانیەكانیش زۆربەیان ژن و منداڵن."
"دووپاتیدەكەینەوە جەنگ و هێرشی سەربازی چارەسەر نییە بۆ كێشەكان و داوا لە كۆمەڵگەی نێودەوڵەتی دەكەین هەوڵەكانیان چڕبكەنەوە بۆ پاراستنی خەڵكی سڤیل و بێ تاوان لە مەترسییەكان."
