سەرۆكی تیمی رۆژنامەوانی كۆمسیۆنی باڵای سەربەخۆی هەڵبژاردنەكانی عیراق دەڵێت، پابەندن بەئەنجامدانی هەڵبژاردنی پەرلەمانی كوردستان لە 10ی حوزەیرانی ئەمساڵە.

عیماد جەمیل، ئەمڕۆ یەكشەممە رایگەیاند، ئامادەكارییەكان بۆ ئەنجامدانی هەڵبژاردنی پەرلەمانی كوردستان بەردەوامن " هیچ داواكارییەكی فەرمیشمان پێنەگەیشتووە بۆ دواخستنی پرۆسەكە." وەك رووداو بڵاویكردووەتەوە.

ئەوەش لەكاتێكدا دێت، ئەمڕۆ مەكتەبی سیاسی پارتی دیموكراتی كوردستان رایگەیاند ''لە سۆنگەی تێگەیشتنمان لە پێگە و بەرپرسیاریێتیی مێژوویی، لە بەرژەوەندیی گەل و نیشتمانەكەمانی دەزانین كە بەشداریی هەڵبژاردنێكی بە نایاسایی و نادەستووری و لە سایەی سیستمێكی سەپێنراودا بەڕێوەبچێت، نەكەین.''