Jun 14, 2022

تەندروستی سلێمانی داوایەكی بەپەلە ئاڕاستەی هاووڵاتیان دەكات


بەهۆی بەرزبوونەوەی ئامارەكانی توشبوون بە پەتای سكچون و رشانەوە، بەڕێوبەرایەتی تەندروستی سلێمانی ژوورێكی عەمەلیات پێكدەهێنێت بۆ لێكۆڵینەوە لە سەرچاوەی نەخۆشییەكە، بەڕێوەبەری فەرمانگەكەش داوا لە هاووڵاتیان دەكات ئاوی تەنكەر و چەم و روبارو بیر بۆ خواردنەوە بەكارنەهێنن.

د.سەباح هەورامی، بەڕێوەبەری گشتی تەندروستی سلێمانی، لە پەیامێكدا كە ئەمڕۆ 14-6-2022 بڵاویكردووەتەوە، داوای لە هاووڵاتیان كردووە لەم ماوەیەدا كە پەتای سكچوون و رشنانەوە بڵاوبووەتەوە، ئاوی تەنكەر و چەم و روبارو بیر بەكارنەهێنن بۆ خواردنەوە، بەڵكو ئاوی نیشتمانی، یاخود ئاوی ناو بوتڵ بخۆنەوە.

هاوكات، تەندروستی سلێمانی بەكارهێنانی سەوزە لە خواردنگەو رێستۆرانتەكان قەدەغە دەكات، بڕیارێكیشی بۆ عەلوەی سلێمانی دەركردووە تاوەكو ئەو سەوزانە نەفرۆشن كە سەرچاوەی ئاودانەكەی پیس بێت.