هاتووچۆی سلێمانی رایگەیاند، لە ئەمڕۆوە تۆمارکردنی ناو بۆ وەرگرتنی ئەو ژمارە ئۆتۆمبێلانەی کە بڕی رسوماتەکەی دوو ملیۆن دینارە دەکرێتە ئۆنلاین.

بەڕێوەبەرایەتی هاتووچۆی سلێمانی بڵاویکردووەتەوە، کاتژمێر ٦:٠٠ی ئێوارەی ئەمڕۆ دووشەممە 13/6/2022 سیستەمی تۆمارکردنی ناو بۆ وەرگرتنی ئەو ژمارە ئۆتۆمبێلانەی کە بڕی رسوماتەکەی دوو ملیۆن دینارە دەکەوێتە کار بە سیستەمی ئۆنلاین.

هاتووچۆی سلێمانی دەشڵێت:" سیستەمەکە رۆژانە لە  کاتژمێر ٦:٠٠ی ئێوارە بۆ ١٢:٠٠ی شەو بەردەستە بۆ ناو تۆمارکردن".

هەروەها لیستی ئەو ژمارە ئۆتۆمبێلانەی کە بڕی رسوماتەکەی دوو ملیۆن دینارە  لە بەرواری 25/5/2022  تا  بەرواری  13/6/2022 دراوە بە هاووڵاتییان بڵاوکردەوە.