نوێنەری گشتی مامۆستایانی وانەبێژ لە ھەرێم رایگەیاند، رۆژی یەکشەممەی ھەفتەی داھاتوو شایستە داراییەکانی مامۆستایانی وانەبێژ دابەشدەکرێت.

 
عەلی رەئووف نوێنەری گشتی مامۆستایانی وانەبێژ بە کوردسات نیوزی رایگەیاند، رۆژی یەکشەممەی داھاتوو شایستە داراییەکانی مانگی نۆی مامۆستایانی وانەبێژ دابەشدەکرێت.

راشیگەیاند، ھەر ھەمان ڕۆژ مامۆستایانی وانەبێژی ھەولێر بۆ داواکردنی مافە سەرەتاییەکانیان و بەھەمیشەیکردنیان سەعات ١٠ بەیانی لەبەردەم ئەنجومەنی وەزیران گردەبنەوە.

ئاماژەی بەوەشکرد، نزیکەی ٣٨ ھەزار مامۆستای وانەبێژ لە ھەرێمی کوردستان ھەن، کە کرێی مانگانەیان ١٥ ملیار دینارە چاوەڕێی دامەزاراندنن، بەڵام تائێستا ھیچ وەڵامێکیان لەلایەن حکومەتەوە نەدراوەتەوە.