Nov 7, 2023 | جیهان
جۆن كێربی، رێكخەری سیاسەتە ستراتیژییەكان لە ئەنجومەنی ئاسایشی نەتەوەیی ئەمریكا رایدەگەیەنێت، دواڕۆژی غەززە هێشتا دیاریی نەكراوە.
كێربی رایگەیاند:"دواڕۆژی غەززە لە دوای تەواوبوونی كارە دووژمنكارییەكان دیاریی نەكراوە و تائێستاش لەلایەن ویلایەتە یەكگرتووەكان و ئیسرائیل و وڵاتانی تری ناوچەكەوە گفتووگۆی لەبارەوە دەكرێت".
بە وتەی ئەو بەرپرسەی ئەمریكا:"بابەتەكە لەگەڵ ئیسرائیل و هاوبەشەكانی ترمان لە ناوچەكە تاوتوێ دەكرێت، تائێستا لەو بارەیەوە نەگەیشتووینەتە قۆناغێك كە شیاوی ئەوە بێت بڵێین چارەسەرێكی گونجاوە".
كێربی دەڵێت:"مایەی قبوڵ نییە بزوتنەوەی حەماس لە غەززە لە دەسەڵاتدا بمێنێتەوە".
ئیسرائیل هێرشێكی فراوانی بۆسەر كەرتی غەززە دەستپێكردووە و بەو هۆیەوە تائێستا زیاتر لە 8300 كەس كوژراون و سەدان هەزار كەسیش بریندار و ئاوارە بوون.
